شكرا لزيارتك..أتمنى أن تمدنى برأيك عن المدونة سلبيات إيجابيات،الموضوعات المفضلة لديك لنشرها..تساؤلاتك..علي البريد التالى:M.A.Zeineddin@gmail.com

الخميس، فبراير 16، 2012

you me at six -stay with me

you me at six -stay with me

 

Everybody's Free (To Wear Sunscreen) Lyrics

Everybody's Free (To Wear Sunscreen) Lyrics

السبت، فبراير 11، 2012

هات فلوسي ياض!!!

هات فلوسي ياض!!
اه يا حكومة عمرك ما بتمشي غير بالضغط والعصيان والفلاحة عندكم بالمظاهر الخداعة من مبانى فخمة وعربيات فارهة و أهتمام حقيقي بالمواطن منعدم....حاجة مش محترمة مقطورات المترو تبرع من شعب اليابان،وعربيات اسعاف تبرع من الحكومة الايطالية،امال احنا فلوسنا فين..............لما الهيئة العربية للتصنيع على سبيل المثال بتحقق بال11 مصنع بتاعها 4.5 مليار معرفش مصري ولا دولار سنويا،وبتبيع العربيات الجيب بمبالغ بتوصل ل650الف جنيه مصري،لما دخول المطار عشان اوصل او استقبل حد ب5 جنيه, ومحطة سكك حديد مصر ب 1 جنيه، فلوسنا فين يا ولاد الرفضي توفير النفقات ليه مش باين في نظافة الشوارع  ليه مش باين في الخدمة الصحية؟ ليه مش باين في الخدمات الامنية ولا فالحين تجيبوا عربيات BMW X3 للشرطة وكمان سبرانزا ومعاهم عربيات رينو فين الامن احس بيه فين وانا كل شوية اسمع ضرب نار والمحترمين القائمين على العملية الامنية بيتفذلكوا وهما ميعرفوش الالف من كوز الدرة في القوانين ولما نثبت لواحد انه غلط يحولك على الاعلى منه رتبة لما يبقي واثق خلاص إن عندك حق ولا هيعرف يقنعك بالحجج الهبلة،فين فلوسنا والحرب النفسية العبيطة اللى بيقوم بيها المجلس السمكري بتنزيل مركبات عسكرية تحمل ساري العلم وعليها ملصقات في المتوسط الملصقات كلقت حوال 5:10 مليون جنيه عشان يضحك علينا، فين البنزين اللي عمالين يشغلونا بازمته عشان منفكرش في باقي حقوقنا
هو احنا لازم نفضل عبيد وبندور على لقمة عيشنا -أقصد بنشحتها - وكمان البنزين عشان ينبسطوا وينهبوا فلوسنا
فين فلوسي ياض

الأربعاء، فبراير 01، 2012

يوميات خريج - مواقف امنية ح 16

يوميات خريج 
  مواقف أمنية 16

زي ما إتعودنا مع بعض إن الصفحة دي مفتوحة لكل حاجة واي حاجة 
بس المهم تكون حصلت فعلا 
نيجي للحصل بقا 
يوم السبت  21-1-2012  مدخل هرم سقارة 

وكالعادة اللي مش محترمة علي اول بوابة العبور الامنية بيطلع علي كل بطاقات المصريين وحتي رخصة العربية 
ويقول الكلام السخيفة أصحاب ؟
فنرد عليه:ايوة أصحاب
وكالعادة ميطلعش علي هوية الاجنبية او الاجنبي اللي معايا
الموقف ده إتكرر لحد دلوقتي ال3 مرات اللي رحت فيهم هرم سقارة
وفي كل مرة من التلاتة بابقي متغاظ إنه بيسألني ويسجل بياناتي الشخصية او بيانات صديقي صاحب العربية ومبيفكرش يطلع علي هواية صاحبنا او صاحبتنا الاجنبية 
نيجي للموقف التاني
روحت معرض القاهرة الدولي للكتاب زي باقي الناس يوم 24-1-2012
واتمشيت عادي ودخلت صالات كله تمام
جيت دخلت جناح "الأهرام" في المعرض وهو علي ما افتكر بجوار صالة "4"
المهم وكان معايا صديقة أجنبية وباين إنها اوربية برغم إني كنت شديد الحرص علي إنها تبقي لابسة ملابس مصرية - أقصد طريقة اللبس طبعا- وكان معاها شنطة يد من النوعية الضخمة اللي بتكون اكبر من حجم البنت اللي شايلاها 3 مرات
المهم دخلنا جناح الاهرام عشان ندور علي كتب تعليم العربية المصرية 
وملاقينش برغم فخامة الجناح إلي حد ما 
جينا نخرج من باب الخروج
ها عدت عادي وموظف الامن متكلمش معاها برغم ضخامة الشنطة اللي معاها 
جيت اعدي أنا وانا معايا شنطة ظهر خفيفة"Back bag" لاقيته بيقوللي الشنطة يا كابتن !!
روحت باصصله بعصبية وقلت له بصوت عالي 
"يعني انت متفتش الاجنبية وعايز تفتشني"
ورحت ماشي وسايبه يعض في الارض.....
بصراحة كنت متنرفز جدا 
حتي التعليمات الامنية بيتم اعفاء بعض الشخصيات منها, غير كدة حسيت إن اللي حصل فيه شيء كبير من عدم الاحترام ....

نيجي للموقف التالت 
كنت داخل أحمد بن طولون يوم 28-1-2012
وكان معايا صديق مصري وصديقة اجنبية الاجنبية عدت من غير اي سؤال وانا وصديقي المصري تنح الامن اللي علي مدخل المسجد من الداخل عايز يطلع علي البطاقات الشخصية  فمسبتوش غير لما شفت بطاقته وكارنيه الشرطة برغم إنه لابس اللبس العسكري بس هي بقا رخامة برخامة طالما محترمنيش واحترم الاجنبية عن اخوه المصري
وكان نص الحوار كالتالي:
امين الشرطة:بطاقاتك يا كابتن!
صديقي المصري:طلع البطاقة من غير كلام..
انا:كارنيهك..!!
أمين الشرطة:نعم...باقوللك بطاقتك!!
أنا:من حقي أطلع علي كارنيهك او بطاقتك لو عايز تشوف بطاقتى!!
وروحت مطلع البطاقة  بتاعتي وخليتها في ايدي لحد ما لقيته قام من علي الكرسي وطلع محفظة كبيرة اوي 
وقعد يفتش فيها عن بطاقته وكارنيه الشرطة 
وإطلعنا علي بطاقات بعض 
فسألتني صديقتي الاجنية: فيه ايه؟
قولتلها :علي نص الحوار اللي حصل, وزودت إنه برغم حدوث الثورة الا ان العقيدة الشرطة في مصر هي هي للاسف!!