يوميات خريج 10 –عايز اخطب يابا
من يومين تلاتة أربعة كدة
كنت لأول مرة من زمن طويــــــــــــل اوي
بأكلم الحج ودي كلمة بأقولها لوالدي
-هو علي فكرة أدي الفريضة من زماااااااااان-
وبنتمشي كمان ودي معجزة من زمن طويل
كان بقالي كتير بعيد عنه
نفسيا
ومعنويا
بس حسيته صديق أكتر منه أب
وهو بيتكلم معايا
حسيته بيحاول علي قد ما يقدر
إنه يجاري عقول الشباب
وخاصة عقل ابنه
المنعزل عن العالم
وفرحت جدا وحاولت اساعده
في محاولته لاني كنت مبسوط جدا
لمجرد محاولته
واللي ساعدنا اكتر المشوار
كنا ماشيين لمدة تلات تربع ساعة
مسافة يجي تنين تلاتة كيلو
بخطوات ثابتة
وإتشجعت وفاتحت والدي
لأول مرة بصورة مباشرة
برغبتي في الزواج من بنت بعينها
وكان رده مدهش بالنسبة لي..
أبدي القبول وإحترام كبير لرغبتي
وقاللي بس انت مفيش شغل
قلت له اول ما يبقي معايا شغل ثابت
قاللي طب إفرح بالشغل
وبالمرتب الأول
ومتستعجلش
الموضوع مش سلق بيض
دي حياة ومستقبل
وفكر كويس
لان زي ما انت عارف عندنا في العيلة
مفيش طلاق
أو فراق الا مع نهاية العمر
ده عرف العيلة
المهم إني كنت مبسوط جدا
لآن أسرتي
وخاصة والدي
اهلتهم نفسيا
لمرحلة جديدة من حياتي
مرحلة الخطوبة والجواز
ودي رغبة أكيدة
:):)
ومنستغناش
استنوني الحلقة الجاية
مع
يوميات خريج
عابر سبيل
ليست هناك تعليقات:
إرسال تعليق