المهتمين بالاثار وفيديوهاتهم

حاجة تبسط بجد ان ناس كتير متحمسة وبتعمل فيديوهات عن تراث مصر ودخل فى الموضوع ده اعلاميين كمان، انا مبسوط جدا بكل الحماس اللى فجاءة ظهر وأتمنى انه مينطفيش..

دى علامة صحية حلوة فى صالح كل الشباب الرواد اللى بداوا الموضوع ده ومشى على خطاهم ناس كتير

وبصمة مع الزمن هتحسب للكل ان فى يوم من الأيام قام شباب كتير من اماكن مختلفة وبتقنيات مختلفة منها المتواضع ومنها بإمكانات إنتاجية ضخمة

واىا كان غرض البعض منها نشر معرفة او حفظ تراث او توسعة رزق او حتى شهرة بس اهى حاجة تحسب لكل واحد شارك لانهم قاموا بوظيفة بتوفر مليارات على الحكومة لو اهتمت بالناس دى كلها خصوصا فى فلوس الدعاية والتسويق للمقاصد السياحية المصرية فى الدول الاجنبية بدل ما يتدفع لشركة س او ص او ع مبالغ طائلة ممكن يتم التعاون مع اللى اجتهدوا وبيجتهدوا ومعتقدش حد هيتأخر عن البلد طالما ده مفيد

ربنا يحفظ الوطن...

#zeinsdiary

الصين والشرق الاوسط وشمال افريقيا

الصين والشرق الاوسط وشمال افريقيا

عن ملخص لبحث قمت بترجمته لاحد الباحثين وكذلك احتكاك بالعديد من الخبراء الصينين.

بعد حديث على مضض الليلة مع أحد الزملاء عن التراث اللامادى وذكرت له ان الصين لها اهتمام غير عادى بالمنطقة وتراثها هنا قررت ان اذكر هنا ما توافر لدى من معلومات نتيجة لإحتكاكى المبااشر بالعديد من الباحثين الصينين فهناك شغف غير عادى بدراسة الشرق الاوسط وشمال أفريقيا بشكل عام ومصر ودول الخليج (الفارسى) العربى بشكل خاص ونجد ها فى كثرة زيارات الباحثين الصينين لمصر وكذلك من خلال مؤتمرات الرئيس الصينى الحالى المتعددة فمن خلال ترجمة إحدى الورقات البحثية عن المنطقة تمكنت من معرفة ان الصين تجد فرصة نادرة الحدوث بل والاحرى القول انها فرصة غير عادية بالنسبة لهم وخاصة انها ترى انسحاب الولايات المتحدة الامريكية من منطقة الخليج على سبيل المثال وتبدل الاستراتيجية الامنية الامريكية لمنطقة الخليج فرصة ذهبية للحكومة الصينية للدفع بحزمة من الاجراءات الغير عادية نحو اخذ المكانة الامريكية فى المنطقة وان كانت على استحياء نوعا وذلك لوجود منافسة روسية وهندية ضعيفة وكذلك ان الصين ليست بحريصة على ان تتواجد امنيا وعسكريا بالمنطقة بقدر حرصها على التواجد اقتصاديا والذى سيدعم فيما بعد بالنسبة لها اى تدخل عسكرى بسيط او حتى بناء مقرات لوحدات عسكرية صينية فى المنطقة.

تقوم الصين هنا بدعم لوجسيتى وتقاني للمنطقة وذلك فى محاولة منها لنقل الصراع بينها وبين الدب الروسى من جهة والصراع مع اليابان من جهة اخرى والصراع مع الولايات المتحدة فى مكان اخر بعيدا عن الاراضى الصينية وذلك بسبب فرض الكثير من الغموض على البرامج الصينية سواء كانت برامج تقانية او حتى اقتصادية فى اراضيها.

ومن ناحية آخرى وجدت الصين جزء من فرض وجودها من خلال تعاونها مع الحكومة الايرانية من خلال إمداد إيران بالعديد من قطع الغير التى تحتاجها إيران بل وحتى إرسال العديد من الخبراء الصينين للاراضى الإيرانية على سبيل وجود إيران فى ظل حصار دولى وضغوط اقتصادية عديدة كسوق مبشر لكثير من السلع الصينية سواء كانت سلع عسكرية او حتى مدنية.

وبالنسبة لمصر نجد ان صين بدأت منذ عهد ليس بقريب فى دراسة المواطن المصرى قبل ان تقوم حتى بدراسة النظام الإدراى لمصر وتفاعلها معه فهناك العديد من الباحثين قد عملوا ف مجال الدراسات القبطية وحفظ التراث الغير مادى وتوثيقه من اجل ان يتوافر للحكومة ولرجال المال والاعمال الصينين نوع من الادراك الكافى للتعامل مع الشعب المصرى وتصدير منتجات لن يستغنى المواطن المصرى عن استخدامها ونرى هذا كمثال واسع وشهير فى موضوع عروسة المولد وايضا فانوس رمضان والذين قامت الصين بتطويرهم وفقا لتطور الذوق العام فمرة يصبح فانوس كرومبو ومرة صلاح ومرة ابوتريكة وهكذا.

ترى الصين فى تعاونها مع مصر شعبا ودولة ورقة من ورقاتها الرابحة فى لعبة الورق التى تلعبها مع روسيا والولايات المتحدة والاتحاد الاوروبى وإن كانت الصين لن يشغلها كثيرا رؤية الدول الاخرى فى تحقيق سياستها والتى تهدف بطريقة او باخرى لبعث طريق الحرير من جديد وخلق سبل جديدة لتنمية الاقتصاد الصينى واستخدام العمالة الصينية فى كل مكان حول العالم.....

تغير السياسات الامريكية فى منطقة الخليج

كانت نقطة التغيير الرئيسية فى العلاقات بين الولايات المتحدة ومجلس التعاون الخليجى فى عام 2008 حين شهدت الولايات المتحدة "ثورة البترول الصخرى" بالموازاة مع الازمة المالية العالمية عام 2008، فكان البترول الصخرى اكثر من نصف مخزون الولايات المتحدة من احتياطى البترول مما اشار إلى تقليل إعتماد الولايات المتحدة على الخليج فى الطاقة، وفى نفس الوقت فإن الازمة الاقتصادية وجهات إهتمام السلطات الامريكية ناحية القضايا الداخلية الخاصة بها، مما وضع سياستها تجاه الخليج فى تساؤل.

وما عمق الهواة ما بين الولايات المتحدة ودول مجلس التعاون الخليجى هو ما حدث بعد ما يسمى بالربيع العربى، حينما تأثرت سياسة الولايات المتحدة بالمظاهرات الحادثة فى الشوارع حينها، مما جعل دول مجلس التعاون الخليجى ترتاب من سياسة الولايات المتحدة خلال مرحلة التوتر التى عمت المنطقة.

رؤية الصين لسياسة الولايات المتحدة تجاه منطقة الخليج

وهناك إعتبارا اخر للصين تجاه السياسة الامريكية فى الشرق الاوسط فالولايات المتحدة تسعى لنشر الديموقراطية، والذى نوعا ما يعنى تغيير الانظمة والذى يعتبر من المنظور الصينى سببا للتوتر فى المنطقة.

ففى اخر اوراق الصين العرب السياسية البيضاء والتى صدرت قبل زيارة الرئيس الصينى شى جينغ بينغ إلى الشرق الاوسط فى يناير 2016، لخصت الصين سياستها تجاه الدول العربية ب"المحاور الاربعة" ان الصين تدعم الدول العربية فى إتخاذ الطرق الملائمة لهم، وفى حل مشكلات المنطقة بالطرق السياسية عن طريق الكسب – الكسب فى تعاون تنموى مع الصين، وفى لعب دور أكبر فى المنطقة وفى الشئون الدولية بطريقة أكثر فعالية تحافظك على حقوقهم على عكس الايدولوجية الامريكية. فالصين تميل ناحية الاستقرار السياسى والتنمية الاقتصادية اكثر من ميلها للتحول الديموقراطى فى المنطقة.

الصين ما بين السعودية وإيران

اولا: الصين لا تستطيع حاليا ان تكون بديلا عن قوى الولايات المتحدة فى منطقة الخليج، مما يجعل الولايات المتحدة لاعب اساسى فى علاقات الصين بالخليج.

ثانيا: الاختلاف بين السعودية وإيران يضع الصين فى موقف حرج يجعلها تتخذ سياسة متوازنة فى الشرق الاوسط.فتاريخيا تعتبر الصين قوى خارجية عن الصراع بين السنة والشيعة، وحتى مع تأثر مسلمى الصين بالدعوة السعودية والايرانية منذ إتخاذ الصين سياسة "الباب المفتوح" فى اواخر السبعينات، مما ولد اراء متباينة عن هاتين القوتين الاسلاميتين وايدلوجيتهما فى طائفة مسلمى الصين، لذا فقد اتخذت الحكومة الصينية موقفا محايدا بعدم دعم اى من القوتين على حساب الاخرى لكى لا تثير اى شكاوى محلية تجاه اى موقف متحيز. وبجانب الموقف المحلى، فتجد الصين صعوبة فى تحقيق سياسة " الاستقرار اهم اكثر" فى الشرق الاوسط لانها لا تريد ان تسئ لاى من الدولتين. فالمنافسة السعودية الايرانية انعكست بوضوح فى الحرب بالوكالة او فى حركات المعارضة خاصة بعد "الربيع العربى" عام 2011

ثالثا: الصين لا ترى الاتفاق الايران كمغير لعلاقاتها مع دول الخليج. واعترافا، تتوقع بكين ان ينمو تعاونها مع ايران بعد اتفاقها النووى والذى خفف من العقوبات على طهران.

المصالح الاستراتيجة للصين ما وراء البترول

ومع الاعتراف بان ازدياد الطلب على الطاقة فى الصين قوى شراكتها الاستراتيجية مع دول مجلس التعاون الخليجى فى التجارة والاستثمار، فيجب ملاحظة ان كلا الطرفين يتوقع ان يكون هناك تنوع اقتصادى بدلا عن اعتماد علاقتهما على موارد طبيعية قابلة للنضوب. وبعيدا عن استيراد البترول والغاز من دول مجلس التعاون الخليجى، فالصين ترى المنطقة ايضا كشريك محتمل فى العديد من النواحى الاستراتيجية.

اولا: بفرض ان الصين ودول مجلس التعاون الخليجى لديهم اقتصاد تكاملى، فالاسواق التلقيدىة للصين هى الولايات المتحدة والاتحاد الاوروبى قد اظهرت انخفاض فى الطلب على السلع الصينية، لذا فتعتبر بكين دول مجلس التعاون الخليجى كحل بديل لكى تحافظ على استقرار تجارتها الخارجية. ووفقا لاحصائيات وزارة التجارة الصينية، فإن حجم التجارة بين الصين و 22 دولة عربية وصل إلى 251.2 مليار دولار خلال عام 2014، وست دول من دول مجلس التعاون الخليجى تمثل نحو 70% (175.25 مليار دولار). ورجوعا إلى التبادل الفنى، تؤمن الصين بان توقيع إتفاقية تجارة حرة، والتى إقترحت منذعام 2004، سيحقق فوائد مشتركة، ويتوقع ان تنتهى المفاوضات خلال عام 2016 كنتيجة لزيارة الرئيس الصينى شى جينغ بينغ الاخيرة للسعودية ولمقر قيادة دول مجلس التعاون الخليجى. إلى جانب ذلك، فهناك حافزان للصين لبناءعلاقات اقتصادية اقوى مع دول مجلس التعاون الخليجى.

اولا: الشركات المملوكة للحكومة، والشركات ذات الروابط الحكومية تلعب دورا اساسى فى كلا من الصين ودول مجلس التعاون الخليجى،والتعاون بينهم سيعزز من شرعية رأسمالية الدولة عالميا.

ثانيا: كلا من الصين ودول مجلس التعاون الخليجى من بين مالكى أكبر صناديق الثروة السيادية فى العالم. مقارنة بحجم استثماراتهم الضخمة فى السوق الغربية، والسندات الحكومية، فإن الاستثمارات المتبادلة بين الجانبين ضئيلة جدا ليتم ذكرها. فمن المعقول إلى حدا ما للصين ودول مجلس التعاون الخليجى ان يروجوا لبعضهم البعض كأصحاب مصلحة سياسية واقتصادية من خلال المعاملة بالمثل والاستثمار.

بالإضافة إلى ذلك ، تتوقع الصين من دول مجلس التعاون الخليجي أن تدمج أعمالها المصرفية و النظام المالي في منطقة الرنمينبي ،(RMB) الناشئة.

#Zeinsdiary

كداب زفة

تدور الايام والليالى ويبقى منى الواحد بعد رضا ربنا انه يعرف يلاقى القرش الحلال ويبعد عن اى شبهة بقرش حرام
وبرغم السعى الدائم والإيمان بان التوفيق من عند ربنا
الا ان الواحد بيصاب بخيبات امل كتير نتيجة لتعثره
وان فجاءة بعد ما ترتب امورك على شغل بعينه وتبدأ تحط خططك على اساسه
فجاءة...
يا موالى كما خلقتنى
الشغل يتلغى وتلاقى نفسك فى حيص بيص
والديانة كل شوية ترفع لك تليفون اهلا بسعادة البيه محدش بيشوفك ليه
والحاجة الوحيدة اللى بتبقى ساترك بعد ربنا سبحانه وتعالى
انك عامل زى كداب الزفة
عمال تدعبس هنا وهناك على اى فرصة
فرصة مش عشان تثبت نفسك لحد الا لنفسك
حاسس انك لسة معملتش حاجة وعمرك جرى بسرعة
ولسة مفيش حاجة قوية فى ايدك تقول انك فعلا حققتها
طموحك انك تمسك النجوم
بس النجوم بتسوق الدلال عليك
وانت هايم فى عالم تانى بعيد عن كل الناس
نفسك تحس بالمثالية اللى ابوك رباك عليها
وكان دايما قدامك بيقدم السبت والحد لكل الناس
وانت مش عارف توصل ولو حتى لجزء من المليون من الراجل ده
بتخاف دايما انك تقابله وعينك مكسورة لان ساعتها هتكسر قلبه
وبتتحاشى على قد ما تقدر انك تبص فعينه لانه هيقرأ كل اللى جواك
ويعرف انت فيك ايه ومرعوب من ايه
وهو هو نفس الشىء اللى هو خايف منه
انك تفضل وحيد وعمال تبنى فى قصور من الهوا
الناس شايفة انك بتحقق حاجات وبرغم كدة انت شايف ان كل ده حاجة بسيطة
ومتستاهلش الاحتفاء الكبير ده كله
لانك مصر ان ده كله لسة ميلقيش بالمواهب اللى ربنا انعم عليك بيها
اتعلمت الارشاد ولسة بتتعلمه وبتكتسب فيه خبرة
واتعلمت التصوير فى فترة بسيطة جدا ولسة بتتعلم وبتزود خبرتك
اتعلمت من اللغات عشر لغات وبسبب الكسل وقلة الممارسة فقدت اغلبه وباقى فى حضنك منها يادوبك تلاتة
اتعلمت التنظيم الاعداد من الالف للياء ومع ذلك لسة مش حاسس انك منظم كفاية
بتشوف التنظيم عند اجدادك وتقارن تنظيمها بتنظيمك فبتلاقى نفسك فى الكفة الخسرانة دايما
بتشوف اليابانيين واللتزامهم ناحية مجتمعهم وناحية نفسهم وتبص لنفسك تلاقى العملية بلح البلح
حتى لما لعبت رياضة وبدأت تجرى وتسوق عجل وكنت فرحان جدا انك عملت ده
ولسة جزء من احلامك المتواضعة انك تلف مصر بالعجلة بس صحتك راحت وبتروح
فيه حاجات كتير بتتخانق جواك
صراع طويل عريض بين مبادىء واخلاقيات وحاجات تافهة ومالهاش تلاتين لازمة
عرفت ليه انت كداب زفة....
#Zeinsdiary

النضوب

بدأت ايقن اننى عند نقطة ما سأتوقف عن كل الانشطة الثقافية التى اقدمها خدمة للجميع
وذلك ليس لغرور او غرض فى نفس يعقوب ولكن لانى لم يعد لدى اى طاقة للاستمرار بفعل ما افعل الان
صحتى بدأت تسوء
ومواردى المادية منعدمة ومع ذلك مستمر
ولكن الادوات نفسها بدأت تحتاج للكثير الذى لا يمكننى توفيره حاليا
وكرامتى وعزة نفسى تمنعنى من حتى قبول مساعدة اى شخص
فالموضوع فى حد ذاته مقلق جدا
سينضب نهر المحاضرات التى يتم نشر جزء منها كل يوم خلال الاربع شهور الماضية
هناك الكثير من الاشياء التى اريد تقديمها للجميع ولكن القدرة الجسدية والصحية تذهب
والقدرة على التركيز
والاستطاعة لتوفير موارد لصيانة الادوات غير متوافرة
فلماذا الاستمرار ؟!
الاستمرار هنا يعد نوعا من انواع الانتحار!!
فليكن...
فلندعها تنضب....
#Zeinsdiary

Carmina Burana

الواحد دايما بيدور على حد يعمل دور كارمينا بورينا فى حياته
شخص يبقى متفرد ونادر الوجود
يظهر فى حياته ويبقى شبه كارمينا بورينا
اللى كارل اووف عملها ومحدش قدر يعمل حاجة بتفردها وقوتها
سواء كان فى الصعود والهبوط بالنغمات وحدتها
والاكتر انها بتسحب انتباهك مع كل رنة من رنات موسيقاها الفريدة
#Zeinsdiary 

No Lunch Free

No lunch Free...
جملة سمعتها من يومين وعلقت معايا وربطت بجملة
حبيبى مفيش حاجة ببلاش!!
فى الواقع فيه حاجت كتير فى حياتنا الناس مشبتقدرها غير بعد فوات الاوان او انها تتحول لحاجة برسوم ما
ودى حاجة متعيبهاش
العيب الوحيد ان الناس كانت بتبص عليها بنظرة دونية لانها ببلاش او بمبلغ زهيد
وحتى لما بتتحول برسوم ما بيفضلوا يبصوا للحاجة ما انت كنت بتعملها ببلاش ايه اللى اتغير!!
للاسف اتغيرت حاجات كتير
منها قلة التقدير
منها التقليل من المجهود
منها ان المعدات والصحة مبقتش زى الاول
فخلاص بقت هى كمان ب
NO LUNCH FREE...
#Zeinsdiary

قال عصامى قال

يمكن الحاجة الوحيدة اللى ممكن الواحد يفتخر بيها بعد عمر طويل
وبعد ما ربنا يرزقه بعيال ده لو حصل نصيب اتجوز فى يوم من الايام
وها...جاب عيال
انه ممكن يقوللهم فى يوم الايام
بصوا يا ولاد الكلب
ابوكوا مكانش بيستنى مساعدة او دعم من حد
وانه بنى نفسه بنفسه
وعمل شىء من لا شىء
اتعلم بنفسه
واتدرب بنفسه
وسعى باغلى حاجة عنده وهى الوقت
انه يعمل حاجة للمستقبل
والخوف الوحيد اللى كان بيهز كيانه دايما
انه يروح العالم الآخر قبل ما يكمل رسالته
او ميبقاش فيه حد يكمل اللى بدأه
ويمكن تكون دى الحاجة الوحيدة اللى فشل فيها ابوكوا
انه لسة مقدرش ينقل الرسالة
او حاول بقدر استطاعته
ومحاولاته دى استغرقت جزء كبير من حياته
ومع كل ده مكانش اليأس رفيق دائم
كان بيجى زى الضيف تقيل الظل او سىء السمعة
بياخد الواجب بتاعه ويمشى
يا ترى هتفتكروا فى يوم من الايام ان ابوكوا حاول يا ولاد الكلب...
#Zeinsdiary

الامتنان نعمة

بقالى مدة مش بسيطة باصور محاضرات لناس كتير وباعمل تغطية لفاعليات كتير
مش حبا ولا حتى شغف باى محتوى من المحتويات دى كلها
إنما لانى عندى احساس بان ناس كتير بتتعب وتعبها ده مش متوثق ومفيش حد يعرف عنه حاجة
وبقيت احس نوعا ما ان فيه حد سلوكياته تخلينى اقول ده يستاهل اتعب واصور له حاجة
وفيه حد تانى ولا يستاهل حتى انى افكر مجرد الفكرة انى اجهز معداتى وانزل اصور
يمكن لانها خدمة باعملها ومش طالب اى حاجة من اى حد مهما كان
بس فيه فعلا فئة تحس انها مش فارق معاها يتوثق شغلها او لا
وحتى بعد ما يتم تصويرها مفيش كلمة شكرا او حتى امتنان بانك بتقدم له خدمة مجانية
او يمكن هو مش متعود ان فيه حاجة ممكن تتعمل ببلاش
حاجة مربكة فعلا انك تشوف حد معندوش ادنى احساس بالامتنان او العرفان بالجميل
ويمكن دى من الحاجات اللى صدمتنى فى الفترة الاخيرة
والحاجة الاكبر ان معداتى بيتم استنفاذها وخلاص
وبقيت اهتم بشغل غيرى اكتر ما باهتم بشغلى ومشاغلى
فاعتقد نوعا ما هابدأ احجم عن التصوير والتغطية لحد ما احوالى تتظبط
وكمان لان محدش محتاج الخدمة دى
وخصوصا ان تكاليفها بالنسبة لامكانياتى انا باهظة التمن
يالا اهو كله عبث...
وفضفضة من ضمن فضفضات كتير محشورى فى زورى
بس الناس اللى كانت ممتنة ولو حتى بالنظر باشيلها على دماغى
غير كدة مبقتش اقدر استحمل حد...

بالتوفيق للجميع سواء اتفقنا او اختلافنا
#Zeinsdiary

دمك يلطش

واضح جدا ان فيه إجماع كبير ان دمى تقيل ويلطش
وواضح اكتر إنى مش فارق معايا ومكمل
مسألة القبول مسألة بتختلف من حد للتانى
ومهما كان رأى الناس فيك
كمل طريقك وافرد جناحتك
وميفرقش معاك هما مين
او حتى رأيهم ايه
عارف ليه؟!
لآنه لو كان(ت) يقدر يعمل حاجة أفضل او حتى مجرد المحاولة مقدرش يعملها
فكمل ولا يهمك
وافتكر دايما ان
"لولا إختلاف الاذواق لبارت السلع"
لو انت مش عاجب حد عادى
لو انت مش فارق مع حد عادى
لو انت مش بتمثل اى قيمة لحد برضه عادى
استمر وكمل واوعى باى شكل من الاشكال
تلتفت للحاجات دى
لانك لو بدأت تحسبها وتركز
هتخسر بوصلتك ومش هتقدر ترضى حد
لو انت مؤمن بوجود رب يبقى المهم عندك ان تشتغل على رضا ربنا عليك
لو انت مش مؤمن بوجود رب
يبقى تشتغل اكتر على رضاك عن نفسك
والموضوع فى كل الحالات هيرجع لتقديرك الشخصى لكل نقد بيحصل لك
المهم انك تقدر تكتسب ثقة او بمعنى تانى جلدك يتخن شوية
وتكبر دماغك حتى لو مدخلتش من ياقة القميص
وثق انك فى يوم من الايام هتحقق حلمك
طالما عندك ثقة انك تقدر تروضه وتخليه يخصع لك
بالتوفيق
#Zeinsdiary 

الخوف من المجهول

الواحد بقاله فترة دماغه بتودى وتجيب وعمال يتردد فى عقله الباطن الآيات الكريمة دى" ﴿قُلْ هَلْ نُنَبِّئُكُمْ بِالْأَخْسَرِينَ أَعْمَالاً (103) الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعاً (104))"سورة الكهف

وبقا خايف نوعا انه تنتهى حياته على كدة وانه لا طال سما ولا طال ارض

فتخيل كمية التناقض والصراعات الداخلية الموجودة جواه

هو مرعوب انه يكون من الفئة دى

مبقتش عارف هل أنا صح ولا غلط ولا الدنيا ماشية ازاى ؟!

ربنا يستر....

#Zeinsdiary

أنا عشقت - محمد المنسى قنديل

فى البداية ده مجرد رأى مع خالص إحترامى وتقديرى للكاتب وتعبه وجهده فى كتابة العمل وصياغته سواء اتفقنا او اختلفنا فانطباعى عن العمل لن يغير او يقلل من جودته فى شىء من الاشياء تعالوا نشوف....

الرواية حكايتها طويلة معايا 
بدأتها فى رمضان وقرأت ربعها فى يوم واحد بنهم كنت مشتاق له وهى كلها على بعضها 436 صفحة وكنت كل ما احاول اقرأ جزء منها انشغل فى حاجة او اتعب اثناء القراءة لانها كانت بتسنزف مشاعرى بشكل قاسى جدا الا انى منذ لحظات قليلة انهيت اخيرا قرأتى ل(أنا عشقت) للكاتب محمد المنسى قنديل
كانت الرواية ثقيلة جدا على قلبى بكل ما تحمله الكلمة من معانِ فلم تكاد تنتقل عينى بين السطور والصفحات والا اصاب بقشعريرة او ألم فى صدرى او حتى اجهش بالبكاء ما بين فصل وآخر.. بالرغم من قوة الرحلة التى خاضها بطل الرواية (على) وتنقله من عالم وديع نوعا ما لعالم اكثر قسوة حتى نصل لذروة وتفجر الاحداث فى إنتقاله لعالم الجريمة الا انى شعرت بان هناك شيئا ما منقوص ولم اشعر بإرتياح كامل طوال قرأتى لها بالرغم من ان جلستى الاخيرة لقرأتها قطعت 200 صفحة مرة واحدة وتلاها 50 صفحة خلال تنقلى فى المواصلات حتى ودتى منذ لحظات لمخدعى، نعم الرواية جيدة ولكنها لن تصل لدرجة (واحة الغروب) بالنسبة لى لما فى (واحة الغروب) من تجارب نفسية فى إعتقادى اعمق من (أنا عشقت) بالإضافة إلى انها ألمتنى جدا وهذا الالم كان من حيائى وخجلى من وجود الكثير من الالفاظ النابية بها - إدرك تماما ان هناك من سيأتى ليقول الالفاظ لها ضرورة لتوكيد الاحداث ولجعلها اكثر عمقا - الالفاظ النابية هنا تخطت المستوى الذى استطيع ان ادخل رواية مثلها لبيتى حتى وصف المشاهد والممارسات الجنسية كانت بتفصيل لم يكن هناك ضرورة لها هدفى من قراءة اى شىء هو الارتقاء وان اجد شيء بعيد عن ما اراه واسمعه فى الشارع فلن يكن هناك مجال لكى ادخل بيتى كتابا به هذا الكم من الالفاظ والتى اوجعتنى بشدة وعلى جانب آخر هناك اشياء منقوصة كثيرة من الواضح ان الكاتب تركها لنا نحن القراء لنفسرها حسبما اتفق لدى كل منا..

الرواية كان ليه كذا تيمة سواء كانت اساسية او حتى مرحلية فكان فكل بيئات من البيئات والمجتمعات التى مر بها بطل الرواية (على) هناك تيمة ما...
فعلى سبيل المثال: تيمة قمع السلطة لاحتجاجات العمال، وكذلك قمع مظاهرات الطلبة بالجامعة، ومن جهة أخرى رسم مشاعر بطل لكل بيئة وكيف تعامل مع الاحداث وتطورها وتطورت شخصيته معها، كان شاعر كبير فى رسم الاحاسيس فكل بيئة وعلى كل لسان، وان كان أفضل شيء عنده ان حد يحكى مشاعر حد تانى كان الموضوع محسوس اكتر خصوصا عند قراءة (على) بطل الرواية لرسائل( ورد) اللى لقاها فى محفظة (حسن الرشيدى)
أخر حديث (سمية) و(على) هاتفيا كان برغم سذاجته الفجة الا انه كان يلعب على أحلام الكثيرين منا بالعثور على فتى\فتاة الاحلام والذى بدوره(ا) ينتشل كل منا من متاهته ويحرر كل منا من عقده الخفية والظاهرة.

الصراع الطبقى ومتمثل فى كل ما مر به (حسن الرشيدى) خلال ما تم حكيه وكيف تطورت شخصيته وتحول من معيد وديع إلى قاتل محترف.

علاقة (سمية) و(جلال) ارى منها الكثير كل يوم ولكنى اغض الطرف حتى يتم سؤالى وإن كنت اشفق على (سمية) بشغفها وتمردها على واقعها وعنفوانها، اما عن (جلال) فهو إنتهازى لديه نوع من ال (الليات)، وكنت اتوقع له نهاية ما خلال الرواية ولكنها لم تريح قلبى وتركت نهايته مفتوحة...

علاقة (ذكرى) و(أكرم) بها العديد من التشابك فهناك الفريسة والصياد بل وأيضا المتاجرة سيدرك ذلك من قرأ الرواية فقط...

هناك الكثير من الاشياء التى اريد ان أتحدث عنها ولكن ليس لدى من الطاقة ما يكفى فقد استنزفت تلك الرواية مشاعرى وانهكتها تماما، ويكفى ان اقول ان الجزء الاول منها كان الاشد تأثيرا بالنسبة لى والاجزاء الوسطى كانت ما بين صعود وهبوط اما عن النهاية فكانت نوعا ما من النهايات الحتمية المفتوحة....

#Zeinsdiary 

وبحبك أنا

ولا ليكى عليا حلفان

ده انا روحى فيكى من زمان

وبحبك انا بحبك انا

وبحبك انا بحبك انا

بحبك مهما كان

يا سلام عالارض ولون الورد

وان كان عالحب ده انا والله بحب

وايوة انا راحتى هنا

وبحبك انا بحبك انا

وبحبك انا بحبك انا

يا أرض الناس والجن

يا ارض الحرب والسلام

يا قاهرة كل الازمان

يا بلد الالف زاوية ودكان

وإن كان عالحب ده انا والله بحب

ده انا راحتى هنا

يا بلد العز والامل

يا خاطفة الروح من نظرة

يا مصر فى كل لحظة بيزيد جمالك وحبك فى قلبى

يا مصر يا بلد كل حاجة وعكسها

عمرو دياب بتصرف...

#zeinsdiary