يوميات خريج5-
علي قهوة العاطلين
اوعي حد يستغرب من الاسم
ويفكر إني هاتكلم عن البطالة والكلام الفاضي
اللي يجيب مغص ووجع للقلب والمعدة
:)
المهم إني علي قهوة العاطلين قعدت
وياريتني ما قعدت
طلبت ينسون وشربت
وياريتني ما شربت
ولا حتي طلبت
الحياة في القهوة دي
مختلفة تماما عن أي حياة الواحد عاشها
قبل كدة وبعد كدة
حد يقوللي ليه؟
لآنك علي قهوة العاطلين بتشعر بشعور واحد
ويمكن بتشرب مشروب واحد
وإن تعددت الاسماء
الشعور الواحد ده بقة ايه ؟
من غير اي سؤال ولا بحث
ولا تفحيص وتمحيص
هو إنك بلا قيمة
ولا حاجة يعني
مجرد شيء وخلاص
والمشروب اللي بتشربه
هو القهر
لآنك قاعد مقهور
لا إتعلمته إستفدت بيه
ولا حتي حصلت الصنايعية
وكأنك يا سيدي ايه
زي اللي رقصت علي السلم
وانت عارف بقة باقي االمثل
المهم إن الشعور ده جالي مجرد
من قاعدة واحدة
فما بالكم
لو تكررت القاعدات
هتبقي أزمة
مش بعيد
أتحول في يوم من الايام
لحد من الناس اللي بيقولوا عليهم
وليعوذ بالله
ولا بلاش
ما هو انت مش لاقي حاجة تعملها
من كتر الشغل اللي وراك
ولا اقوللكم كفاية كدة عليكم
ومنستغناش
واهي مرة وعدت
واستنوني الحلقة الجاية
يوميات خريج
عابر سبيل
انت بنفسك قلت اهي مرة وعدت انساها بقي وشوف طريقك
ردحذف