يوميات خريج3
نحو الجحيم
محدش يفكر ويشغل دماغه احسن تروح لبعيد
ويفتكر إني أقصد النار لا سمح الله
لا دي تسمية مجازية لمكان ما
المشكلة في المكان
مش المكان نفسه
إنما لما باروح المكان ده
باروح وانا مش عاوز اروح
وكمان بابقي مقفول اليوم كله
ومستعد لأي حد ينرفزني بحاجة هايفة جدا
رغم إن المكان ده
لما بامدد علي اي سرير فيه بانام اسرع ما
بانام في سريري
وكمان لما باطلع فوق للسطوح-سوري الروف
JJJJJ-
باقعد ابص للنجوم واعدها
واتامل فيها
واحاول اصنع روابط بين كل نجمة والتانية
وافكر أني روحت كل نجمة من النجمة اللي
مالهاش عدد دي
والاقي نفسي بابني عدد كبير من الحكايات
من خلال مجرد النظر للنجوم بجمالها وروعتها
يعني حبة لحظات بتبقي بالدنيا كلها
ورغم ده كله
مش بارتاح في المكان ده
نفسيا كدة باحس إني في سجن
متحاوط بالكلابشات
كلابشات بالمعني المجازي
هدوء قاتل اغلب الوقت
معرفش حد محدش بيزورني
حتي وسايل الراحةوالآمان في المكان ده
رغم إنها متطورة الإ إنها بتحسسني
بمدي عجزي وقلتي حيلتي
وبتزود الاحساس بالسجن
وإني في جحيم فعلا
طبعا الكل عايز يعرف الجحيم ده ايه؟!
الجحيم ده عبارة عن
بيت المستقبل
بيتي اللي مش باحبه
ومنستغناش
واستنوني الحلقة الجاية
يوميات خريج
عابر سبيل
كلامك حلو ومعبر قوي عنك ياعابر سبيل .....
ردحذفلكن ده بقي ياتري هيكون بيتك الحالي ولا بيت مستقبل جديد ؟
بيتهيأ لي انها مجرد مشاعر متضاربه لا اكتر ولا اقل لكن لو جربت مره انك تسيبه وتبعد عنه بجد هتحس قد ايه قيمته عاليه وغاليه علي قلبك وهتحس انه بيت الجنه و الحياه ( مجازا)مش بيت الجحيم والسجن لما توصل للمرحله دي هتفتكر الكلام ده ....سلام