يوميات خريج 4
ماذا أريد من هذا العالم؟
ماذا يريد ذلك الوحش الذي يجسو علي صدري من
هذا العالم؟
سألت نفسي كتير
انا اللي فيا الخير ولا اللي فيا الشر
بقي كل اللي عاوزه من العالم ده كله الهروب
حاسس إني لو ثورت مرة
أو إنفجرت مرة
هتكون النتيجة مُرة
يا هادبح
هاتشال علي اكتاف عبارة عن أشلاء
لجسد حد كان موجود في الدنيا في وقت من
الاوقات
خلاص مبقتش مستحمل المكان ولا الزمان
عايز اهرب بعيد بعيد جدا
وابني لي حياة من جديد
مش مهم اكون فيها وحيد
او حتي مريد
المهم الحق أهرب من المجتمع البغيض
كتير جدا كنت باحلم ولسة الحلم ده بيراودني
إني يكون ليا بيت هناك
علي سطح القمر-اي نعم الكلام ده مستحيل عمليا
دلوقتي-
بس اهو مجرد حلم
وكفاية إني عندي حلم
أما عن الحلم الواقعي
او البديل لحلم القمر
يكون ليا قصر كبييييييييييييييير
وبعييييييييييييييييد في الصحرا هناك
بعيد عن الضجيج والتلوث
وكمان الزحمة والخناقات
اللي بقيت سلوك اساسي من بين سلوكيات الزحام
اهو في الصحرا هاكون في حالي
وحصلت علي المبتغي اللي بادور عليه
بيت لو حتي صغير بعيد عن كل الناس
بس بيت بقي ايه
اقروا المواصفات يمكن يكون حد فيكم يقدر يحلم
بيه او يحققه
تيجي نشوف المواصفات
يلا مع بعض
ولا اقول لكم
خليها وقت تاني
واديني مستني أرائكم
ومنستغناش
واستنوني الحلقة الجاية
يوميات خريج
عابر سبيل
ليست هناك تعليقات:
إرسال تعليق