يوميات خريج
مش هتخطب بقي يا ابني
نزلت من كام ساعة عشان اجيب السحور اول يوم
في رمضان هيبدأ بقي
ولما طولت في المشي جت علي بالي حبة أفكار
خبيثةJ
ليه بقي؟!
شفت بنات اشكال والوان وجه علي بالي
كمان كام شهر
والاقي امي في البيت بتقوللي ايه؟
يا ابني انت اتخرجت والحمدلله
مش ناقصلك غير العروسة
وتبدأ تقوللي انت مفيش حد في بالك ولا ايه
طب اشوفلك واحدة بنت حلال
عايزة افرح بيك يا ابني انا وابوك
انت اخر ولادي انت واختك الصغيرة
واديك اهو بتعمل ورق الدراسات العليا
اخطب حتي...
جه في بالي الرد اللي هيكون مني ساعتها ايه
:)
يا امي انا لسة طريقي طووووووووووووووويل
مين هتقدر تستحمل شاب لسة في اول الطريق
واديكي شايفة اللي جاي علي قد اللي رايح
والحمدلله
وكمان انا ماليش نفس اتجوز
ورايا لسة حاجات كتير احققها في حياتي
فتبصلي امي باستغراب ولسان حالها بيقول انت
هتغلبني ليه
وتقوم تنده للوالد وتقولله
يا حاج أحمد عاجبك كدة حال ابنك
خلص تعليمه والشغل خلاص
مش يشوف بنت الحلال بقي
يقوم الوالد يضحك ويقوللها سيبي الواد في
حاله
ده لسة مشواره طويل
سيبيه يفرح
بشبابه
:)
ويلحق يخلص الماجستير علي الاقل قبل ما يتجوز
علي الاقل يبقي مركزه العلمي محترم
وميترفضش بسرعة
اقوم ارد انا
الله عليك يا حاج يا فاهمني J
وتيجي بالي الحق انزل تاني اعمل اي حاجة عشان
اهرب من حوار الخطوبة والجواز
وإلي لقاء أخر
مع يوميات خريج
ليست هناك تعليقات:
إرسال تعليق