يوميات خريج8-محطات1
كل أحداث اليومية الجاية دي
حصلت يوم 28-9-2010
محطات
نزلت النهاردة وزي ما انتوا عارفين طبعا
لازم اطمن من وقت للتاني أتفقد احوال الرعية بتوعي
مانا خريج بقا
:):)
نزلت فين الأول
تعالوا نشوف
المحطة الاولي
طبعا البلد الأم لازم تكون جامعة عين شمس
نزت علي هناك ومكملتش 10 دقايق علي بعض
كنت نازل اشوف جدول التمهيدي وليعاذ بالله قصدي ربنا
يكفيني مشاكله والتأخير فيه
المهم كان
لسة منزلش والسكرتارية قالتلي
لسة!
فهمت انا إنه لأجل غير مسمي!!
وإتفقعت لآني كنت نازل والحماس لسة واخد حقه معايا وعايز
اللحق وربنا يكرمني ويكرمكم كدة
قال ايه؟؟
أحدد موضوع ماجستير بس ما أخلص سنة التمهيدي اللي لسة
مبدأتش-وده من وجهة نظري الخاصة والخاصة جدا كمان حاجة أكتر من رائعة-
تعالوا نروح علي المحطة التانية قبل ما الواحد معدته
تكركب من سيرة الدراسة لأحسن سامع واحد من أخر الشارع اول ما سمع سيرة الدراسة
بيقول نفسه غامة عليه-لا مؤاخذة اصله حامل وبيتوحم-
المحطة التانية جامعة القاهرة
قلنا نطلع علي القاهرة الجامعة الكبيرة واخدنا حوالي 45
دقيقة في الطريق من جامعة عين شمس
لجامعة القاهرة في الجيزة
وصلنا مرهقين وحالتنا زي ما بيتقال كدة كفتة
فجاءة كدة وبقدرة قادر يا كريم
قي ايه يا ولاد لقيت جحافل من الأمن المركزي تقولشي
جحافل المغول يا اخي كتير جدا جدا
حوالي عشرين مقطورة بحوالي 1000جندي
قولت لأبوعلي وده واحد صاحبي هابقي اعرفكم عليه وقت تاني
اكتر اللي اقدر أقوله دلوقتي عنه إنه اكتر من اخ
ربنا ييسر الأمر ونعرف ندخل لأحسن شكلها
قافلة
قاللي شكلها فيه زيارة
لاقدر الله من مسئول مهم
قولتله او العيال في الجامعة عاملين مشاكل او
بيستعدوا لمظاهرة او شباب 6 ابريل
او حاجة من الحاجات دي واكدت عليه إننا علي البوابة نقول داخلين علي
جيل المستقبل عشان نقدم
جيل المستقبل عشان نقدم
وللإسف منفعش فلفينا لفة كبيرة واحنا مفرهدين وحالتنا بؤس
وفي الآخر دخلنا
ومشينا في القاهرة كأننا بنسعي بين الصفا والمروة –كناية
عن طول المشوار-
المهم خلصنا حوار جيل الماضي دي واجلناه يوم تاني عشان عايزيين صورتين 4*6 زي
بعض ناس غريبة
في النهاية حسن طلع علي ميدو –واحد صاحبي تاني لما تيجي
فرصة هاعرفكم عليه-عشان يقابله
وانا طلعت علي اقتصاد وعلوم سياسية
وإنتظروا الحلقة التانية من محطات
مع مغامرة جديدة
من
يوميات خريج
ومنستغناش
عابر سبيل
ليست هناك تعليقات:
إرسال تعليق