یومیات خریج 13- سري للغاية
النهاردة
يوم غير كل الأيام
عشت مغامرة بالاحساس
والمغامرة دي من سريتها الشديدة
واجب عليا أنشرها ليكم
عشان يبقي
وقد أعذر من أنذر
تيجوا نبدأ
مش هاحكي انا كان بيا ايه ولا ظروفي كانت ايه
المهم نبدأ الحكاية
الظرف الأبيض ده عبارة عن إيه؟
حد يتخيل
حد يجاوبني
حد يعبرني
ولا بلاش اقول لكم انا
النهاردة كان عندي مقابلة شغل
لجريدة زي ما إتقال لي عنها
إنها مرموقة
والحياة حلوة
وفل
وطلعت فعلا اسم علي مسمي
في نهاية اللقاء
إستلمت ظرف أبيض كبير قووووووووووووووووووووي
لك أن تتخيل ظرف أبيض كبير
جدااااااااااااااااااااااا
اللي فيكم جرب يلعب لعبة Medal of honor
وشاف الظرف الأصفر الكبير
اللي علي طول في اللعبة ممكن يحس بالمعاناة
بتاعتي
او اقوللكم
ابسط مثال
اي حد شاف افلام حربية
الطريق إلي إيلات
المشهد اللي إتفتح فيه الخريطة
المهم
انا خرجت بالظرف ده
حاسس بايه بقي
إني رجل عمليات خاصة
والظرف اللي في ايدي
سري للغاية
وإني المفروض إستلمت الظرف ده مغلق بالشمع
الأخضر-يوووه أقصد الأحمر-
ولازم وحتما ولابد
أسلمه للسيد:س
وأقول له كلمة السر"أبوكرتونة"
في المقابل هتبدا إشارة العمليات
ببدأ عملية القاهرة
ويبدا فتح الظرف الأبيض
اللي مكنش سري للغاية ولا حاجة
دي كانت مجرد تهيؤات وتشويش
علي عقولكم
لكن الحقيقة فعلا
إني اول ما شفت الظرف حسيت برهبة فوق العادة
وإن الظرف في حد ذاته بمنظره
بيقول إني مندوب حكومي علي مستوي قيادي عالي
وده إيحاء الظرف والبدلة مع بعض
لدرجة إني بقيت ماشي قلقان
من نظرات الناس
لآن كان فيه ناس فضولية قووووووووووي
عيونها هتقطع الظرف
عشان تعرف ايه اللي جواه
لدرجة إن فيه حد سألني مباشرة
ايه الظرف ده
حاجة غريبة
وناس حشرية
المهم إنها كانت مغامرة عشتها
من غرب القاهرة تحديدا المهندسين
لشرق القاهرة تحديدا ميدان الحجاز
واخيرا وليس أخرا لحدائق القبة
لو عرفت الظرف الأبيض كان فيه ايه
أتصل او ابعت إيميل
يمكن تكون سعيد
او تعيس الحظ
اللي عرف يتواصل
معايا
وغالبا هتبقي التانية
لو ربنا كتب لك كدة
الاربعاء 26-1-2011
اركاديا مول-المهندسين-مصر الجديدة-حدائق القبة
من 7صباحا حتي 11مساءا
:):)
ومنستغناش
استنوني الحلقة الجاية
مع
يوميات خريج
عابر سبيل
ليست هناك تعليقات:
إرسال تعليق