يوميات خريج 14- ما بعد الثورة
في الجامعة
اليوم 6-3-2011
نزلت عادي قولت اروح الجامعة واشوف جدول
محاضرات التمهيدي إتغير ولا ثابت كما هو
وكان اليوم في بدايته تقليدي جدا
لم يخلو الا من أحاديث فكاهية عن الثورة وما
حدث أيامها من لجان شعبية وما إلي ذلك
وصلت الكلية الحمدلله
وتوجهت إلي المكتب المختص بالجداول
والإمتحانات
وفوجئت بطريقة لطيفة وحميمية في المعاملة
فالمعتاد كان الزعيق والشخط والنطر من
الموظفين علي اساس إن الطلبة شغالين عندهم إنما المرة دي الوضع مختلف
معاملة لطيفة جدا،عجبتني بصراحة اول مرة احس
إني أدامي في جامعتي وكليتي-جامعةعين شمس،كلية الآداب-
وقولت انزل بالمرة علي إدارة الدراسات العليا
عشان اشوف موضوع الكارنيه
والمعاملة هناك برضه كانمت لطيفة،وتخميني إن
فيه تعليمات مشددة بعدم إثارة اي إستياء
او تذمر او غضب من قبل الطلاب
الامر التاني الغريب في الكلية كان فيه
تحركات غريبة وكتيرة
وإختفاء لمعظم أعضاء هيئة التدريس
وبعد السؤال والاستدلال عرفت إن كان فيه
إجتماع مع العميد بخصوص
ترشيح عميد جديد –حرية بقا وثورة-
وإن البعض من أعضاء هيئة التادريس لم يكن
يحبذ رؤية اي وجه من الوجوه التي كانت تتعاون مع جهاز أمن الدولة المجمد عمله
حاليا
فرحت بالخطوة الإيجابية دي رغم تأخرها
وكان فيه حاجة كمان
الشباب بتوع إتحاد أداب عين شمس المقال طبعا
كانوا بيتعاملوا بإحترام وذوق وده برضه علي غير العادة لآنهم كانوا بيتعاملوا بصلف وإستبداد وإنهم
الاقوي ومدعمين من قبل الحرس الجامعي وإدارة الجامعة حتي لو كانوا غلطانين
نيجي بقا للدكاترة قلت أحضر محاضرة حضرت مع
الفرقة الرابعة
محاضرة ما والاسلوب حتي في التدريس إختلف
نوعا ما عن السابق
في السابق هي كدة ودور بنفسك وشوف اللي
باقوللك عليه
دلوقتي بنتفق علي المنهج ومين مسئول عن أيه
والله كنت مبسوط بالروح دي
نيجي بقا للحرم الجامعي
قبل ما أخرج من الجامعة
كان فيه مسيرة بتجوب الحرم قوامها حوالي
300:500طالب وطالبة والعدد بيزداد مع كل مكانم بيعدوا عليه وكانت الهتافات تدجور
حول إسقاط رئيس الجامعة ونوابه(ماجد الديب باطل-عاطف العوام باطل....)
‘ذا كان عني إنبسطت لآني اول مرة الاقي الروح
الجريئة دي في الجامعة اللي طول عمري كنت باعتقد إني خارج من سجن صغير-البيت-لسجن
أكبر شوية-الجامعة-أتمني كل الروح دي تتنقل للعمل الجاد
يعني
كمثال الموظفين وتعاملهم مع الطلاب اللي تحسن نوعا ما عن السابق
وكمان الطلاب
أتمني تتنقل الروح دي لكل القطاعات
:):)
ومنستغناش
استنوني الحلقة الجاية
مع
يوميات خريج
عابر سبيل
ليست هناك تعليقات:
إرسال تعليق