عمرك جرى وشعرك شاب وانت لسة محلك سر

عمرك جرى وشعرك شاب وانت لسة محلك سر
لا منك طلعت فوق ولا منك نزلت تحت
عمال ترقص على السلالم سنين طويلة
عملت من خدك مداس للكل مفرقتش ما بين
الطيب والشرس والقبيح
عاملت الكل بالحسنى
-عايز تعيش دور الضحية وانت عارف ان الغلطة دايما غلطتك-
وفى الآخر كما انت محلك سر
مش جه الوقت اللى تهرب فيه بقا من كل ده وتبدا حياة جديدة
وتنهى كل الانتهازيين اللى فى حياتك أو ع الأقل تعرفهم انك عارف بوجودهم ولا اقوللك سيبهم يتمرمغوا فى خيرك ويعيشوا اللحظة انهم اذكى منك - ودى احتمالية كبيرة-
أتعلم تبقى مادى شوية ودور على متعتك ولو للحظة
ولو لمرة واحدة خليك انتهازى واللعن العالم والناس ودور على حلمك انت كفاية أحلام الناس الجاحدة اللى باعتك فى اول الطريق
خليك واثق انك تقدر لانك فعلا تقدر
وافتكر انهم هيبقواجنبك وهيحاوطك وقت قوتك بس
إنما وقت ضعفك مالكش غير ربك واللى بيحبوك بجد
حب نفسك ولو للحظة
#zeinsdairy 

الارقام اكثر مصداقية من المشاعر

الارقام اكثر مصداقية من المشاعر
عندما تتقدم لطلب يد بنت يتم سؤالك عن راتبك ومصادر دخلك وان كنت من اصحاب الدخول الثابتة ام مرتزق على كف عفريت.
عندما تطلب قرض من احد البنوك يتم طلب منك مستندات بقيمة كل ما تملكه لكى يكون ضمانة للقرض.
عندما يقوم البنك بعمل بطاقة فيزا او ماستر كارت يتم عملها بما مقداره 90% من حسابك البنكى بعد ان يتم عمل وديعة لضمان استرداد المبالغ المقترضة فى اى وقت.
عندما تتقدم لمنحة ما او طلب الحصول على ممولين او حتى طرح شركتك للاكتتاب العام يتم طلب احصائيات وموازنة عامة لشركتك لتحديد موقفك المالى.
عندما تستعرض اعمالك امام احدهم تتحدث بالارقام عن مدى ما تم تغطيته وما لم يتم تغطيته.
عندما تقف عاجزا أمام احد احلامك لعدم وجود اى قدرة مادية على الاتيان به على ارض الواقع.
عندما تقوم بنشاط ما ويتم سؤالك عن ماذا تم فعله يجب التحدث عن الارقام
ولكن...
هل هناك من يسأل عن مدى المتعة وكم الارينالين الذى جرى فى دمك وقتها؟
هل هناك من يسأل عن ما الخبرة التى إكتسبتها من فعلك هذا او ذاك؟
هل اكتسبت اصدقاء جدد؟ هل خضعت لإختبار صعب وتحديت نفسك ونجحت ام فشلت وما الدرس الذى تعلمته؟
فى النهاية فنحن مجرد مجموعة من الارقام
تاريخ ميلاد يلحقه تاريخ وفاة ما بين ذلك مجرد احداث منسية - او ما يسميه البعض حشو لابد منه لكى يكون هناك نوع ما من انواع الاثارة - الا ما رحم ربى...

الارقام خادعة فمهما كانت صادقة فهى كالمرأة ستريك فقط ما تريد ان تراه من خلالها لن تريك حقيقة شيء فهى عامل من ضمن عوامل متعددة وإن كانت الاصدق حتى الان...
#Zeinsdiary

نستولوجيا

الواحد بيتخيل نفسه ساعات ماشى فى شارع المعز وفجاءة تبدأ نستولجيا التسعينات واغانى التسعينات وتلاقى فجاءة عاصفة من لبس التسعينات
واذ ربما يظهر ايهاب توفيق راكب عجلة البوسطجى وعمال ينادى بوسطة بوسطة
ويطلع وراه حكيم من حمام السلطان اينال وهو بيقول النار النار النار
ومن بعده خالد عجاج وهو بيتأمل باب مجموعة السلطان قلاوون وهو عينه بتدمع وهو بيقول اقوى عذاب لما دموع تنزل منك قدام عينه وميشفهاش
ويركن ايهاب توفيق عجلة البوسطجى وهو بيقول بعد ما تم طرد السرسجية والخرتية من المناطق السياحية مالهمش فى الطيب يا قلبى يا طيب والله يعوض علينا الله يعوض علينا
ويظهر فجاة هانى شاكر من فوق قصر بشتاك وهو بيغنى لو بتحب حقيقى صحيح
ويظهر باندهشته محمد فؤاد من كتاب عبدالرحمن كتخدا وهو بيقول الحب الحقيقى بيعيش يا حبيبى ويكمل وهو بيطير ال drone
انا لو حبيبك مكنتش يوم تسيبنى
ويتمشى بدنجلة وكأن الامر لا يعنيه فى شىء مصطفى قمر من بيت القاضى ودار سك العملة ناحية شارع المعز وهو بيدندن بسكة العاشقين ومعاه مزمار بلدى ملعلع
ويجى طلعت زين بصوته المميز من قبة الصالح ايوب بيغنى تعالى تعالى تعالى يا حبيب العمر تعالى
وعمرو دياب من على المأذنة الصالحية يجلجل ب راجعين نعشق وندوب
ويرجع خالد عجاج وهو بيقول من خوفى لبكرة يفرقنا واحنا يا روح قلبى ما صدقنا....
تخاريف نستولجيا التسعينات...
#zeinsdiary
#تخاريف

وجنانى دى عين العقل

وجنانى دى عين العقل

العقل دى داء بيعييى

وجنانى دى شئ مش سهل

تقدر تتجنن زيى

أنا أحب اسهر للصبح وعمرى عمرى ما روح بدرى

مخلوق رافض للنصح والعمر بقيسه بسهرى

وبصاحب كل الخلق

البيه صاحبى والفقرى

وأتعشى فى باب الخلق

وأفطر عالبحر فى بحرى

أجى أتغدى مالقييش

ملعنش الازمات

وأنا ويايا بعيش زيى المليونيرات

وأحلم وأنا معييش ملعنش الازمات
هكذا بدأت ازمة الهوية على نغمات المليونيرات لمدحت صالح وهوغارق فى لجة من الأفكار تترقرق عينيه بالدموع تتقذفه طبقات من الغضب المختلط بالحزن على بعض من التخبط الغير عادى فهو لاول مرة فى حياته يرى عجزه على مراى السمع والبصر
فلن يستطع ان يصل لهدفه مهما صارت كل المعجزات لانه ليس لديه من الحياة سوى بضعة اشهر يعيشها فى صمت ويهرب خلالها من كافة المواجهات التى لم يكن يقدر على فعلها ولن يقدر على فعلها
تسدل جفونه استارها فيرى لمحات خاطفة من حياته بضع من الجنون على كفر بكل ما تربى عليه وخروج عن كل ما ألف عليه بنو جلدته...عاش غريبا بينهم وسيذهب للعالم الاخر غريبا ايضا فلم يألف وجود احدا ما بجواره.....
تعلو نغمات رفضك يا زمانى يا اوانى يا مكانى....وتبدأ تاخذه افكاره لاحلام سعى حثيثا لكى يجعلها حقيقة يوما ما ولكنه فشل فشلا ذريعا تذكر لحظات الموت حين سقط بجوار سريره لا يدرى بالعالم فى قرية غريبة وبين اناس يتحدثون بلسان غير لسانه ولم يكن بجواره الا اغراب ظلوا بجانبه كنوع من الشفقة او الواجب الانسانى....
ضاع منى سلامى ضاق بيا مكانى....
لم يعد يدرى من هو والى اين يجب ان يذهب؟ ولماذا؟
وتتبخر كل تلك الاسئلة فى سماء غرفته مع دخان سجائره...
أهم يومين فى حياة كل واحد منا اليوم الذى يولد فيه واليوم الآخر حين يدرك لماذا...

#تخاريف
#هرى_للركب
#الكلام_ببلاش
#zeinsdairy

"ونن بت ونن منو اى تب تا "

"ونن بت ونن منو اى تب تا "
"ما دامت السماء ستبقى اثارى على الارض"
خع ام واست...وآخرون..وباقى المصريون.. هكذا حافظوا على مقدراتهم واثارهم
لمدة طويلة اعتقدت ان رمسيس الثانى محتال نوعا ما واراد ان يصنع مجدا شخصيا لنفسه - وإن كان هناك بعض المصداقية فى جزئية صناعة المجد فهذا حقه كحق اى شخص - كانت اسبابى انه وجد اسمه فى الكثير والكثير من الآثار ولم يكن رمسيس الثانى الا كبير مرمين لما تركه اجداده الا فى حالة واحدة - واتمنى ان اكون صائب بها - وهذة الحالة هى الملكة حتشبسوت فقد قام بإزالة نقوشها اسمها وكسر انوف تماثيلها من معبدها الجنائزى الذى نطلق عليه الدير البحرى بالبر الغربى بمحافظ الاقصر بجنوب مصر - ما يقارب 670 كم جنوب القاهرة - فلنتحدث نقطة نقطة:-
اولا بازالة اسم او صورة شخصا ما من مقبرته او من مقبرة احدا ما او حتى من معبده فهذا يمثل محو هذا الشخص من التاريخ والاهم بالنسبة للمصرى القديم وهو محو وجود هذا الشخص من العالم الاخر.
ثانيا جدع الانف \ تكسير انوف التماثيل فهذة صورة آخرى لماسبق ذكره فى النقطة الاولى.
النقطة الثالثة: حين تحكم سيدة مصر فهى ليست الملك انما واصية على العرش او حافظة له حتى يكون الذكر جاهز ولا يمكن ان تكون الملك اما ما حدث من حتشبسوت فهى تحدت كل المعتقدات وحكمت على انها الملك لمدة تقارب ال18 عاما.
الاكثر ادهشا هنا ان الكثيرين ظلوا يرددون ان من كسر تماثيلها وجدع انوفها وازال اسمها (الخرطوش) كان تحتمس الثالث وهذا غير صحيح بل من فعل ذلك هو رمسيس الثانى وكان المبرر هو الجملة التالية " نفذت هذة الاعمال لتطهير بيوت الرب من الدنس واعادة القدسية لها" لا أدرى حقيقة اكان رمسيس الثانى متشددا دينيا ام انه لم يكن يريد ان يكون هناك احد بعظمته وخصوصا امرأة حكمت امبراطورية قوية فى العالم القديم.
فى النهاية سأقول " ونن بت ونن منو اى تب تا" "ما دامت السماء ستبقى اثارى على الارض"

#Zeinsdiary
#تساؤلات

مجلة ما تذوقينى يا ماما صفحة مليون و300 الف

مجلة ما تذوقينى يا ماما صفحة مليون و300 الف

الاثار عمرها ما كانت حياة بالنسبة لى او حتى جزء من اهتمامى ولكن الاهتمام الاكبر لما ابويا كان بياخدنى وانا صغير ونركب الترام ونروح جامع السلطان حسن ونرجع من السلطان حسن لحدائق القبة سيرا على الاقدام - وتبقى رجلى وارمة ومخنوق مش فاهم ليه التعب ده -

وابويا يقعد يحكى لى عن الناس فى المناطق اللى بنمشى فيها وطبيعة الروتين اليومى بتاعهم ومين كان هنا ومين كان هناك وانا متعجب من الحكايات دى..

واللى ادركته مؤخرا ان والدى كان بينقل لى الموروث الثقافى والاجتماعى لكل مكان زرته معاه، ولحد دلوقتى لما اكون عايز اروح مكان الاقيه يبدأ يقول لى على مسارات اتوبيسات هيئة النقل العام من البيت للمكان ده وهاشوف ايه فى طريقى وبيحصل ايه ومين من حبايبه فى المسار ده.. يا ترى ايه اللى اتعلمته من كل ده

ان الاثر مش مجرد حبة حجارة او حتى تاريخ صاحبه إنما علاقة الاثر بالمنطقة وعلاقة المنطقة بالاثر وايه اللى بيحصل وتأثيره الكبير على حياة جيرانه وده دلوقتى اللى تخصصات حفظ التراث وإدارة المواقع الثقافية\التراثية\ الاثرية بتهتم بيه جدا لانه بيطلع منظور مختلف لكل منطقة وبيتم دراسته لتوظيف المكان لخدمة جيرانه سواء ثقافيا او اقتصاديا...

طيب خلينا ناخد مثل صغير - مش هاتكلم عن حديقة الازهر لانها المثل الاشهر ولا حتى عن ساقية الصاوى - تعالوا نشوف قصر الامير طاز مثلا او بيت حسن فتحى

الاتنين تحولوا لقبلة ثقافية ايام معينة من الاسبوع او حتى بالورش الثقافية \الحرفية اللى بتخدم اهل المنطقة كمان كثرة تردد الزائرين او حتى سؤالهم عن المكان خلى الجيران عندهم فضول يدخلوا يشوفوا ايه اللى بيحصل هناك ولما لاقوا ان فيه استفادة نوعية لاولادهم او حتى لهم سواء كان كشك بيبع مشروبات او حتى سجاير فهتلاقى الناس تحولت بقدرة قادر من انها بترمى مخلفاتها حوالين الاثر لناس بتمنع اى حد انه يعتدى عليه لانهم حسوا بقيمته بالنسبة لهم سواء كانت اقتصاديا او ثقافيا او حتى اجتماعيا

لو اقتصاديا هتلاقى فيه عمالة من اهل المنطقة بيتم توظيفها فى الاماكن دى

وكمان المحلات والاكشاك اللى حوالين المكان بيحصل لها زيادة نوعية فى إيراداتها

لو ثقافيا يبقى الورش والندوات اللى بيتم تقديمها بالمجان لاهل المنطقة

ولو اجتماعيا بتبدأ تلاقى البعض منهم بتتغير لغته بدل ما مكسوف من المنطقة اللى ساكن فيها يبدأ يقول انا ساكن جنب كذا وعارف كذا ده ايه وفيه ايه وهكذا...

فى نظرى اعادة تدوير الاماكن لتخدم حاجة اهل المنطقة بدون تدمير الاصل او الاتيان عليه تعتبر فكرة جيدة هتثمر بالكتير من النمو والطفرات وحتى تغير الكثير من السلوكيات

وأتمنى ان ارى الكثير من هذة المشاريع تنتشر فى كل ربوع مصر

#Zeinsdiary

#مجرد_تأمل

فى نهاية كل نفق مظلم

فى نهاية كل نفق مظلم هناك دائما ضوء من نوع ما حتى ولو كان النفق مظلم فيوما ما سترى النور يا صديقى

داوم التعب واجتهد فمهما كانت ايديك مرتعشة وجسدك محمل بتعب السنين ومثقل بجراح الماضى فأنت تستطيع ان تجد ماهيتك فى النهاية

فقد مر اول اهم يوم فى حياتك الا وهو الميلاد

ولم يبق لك الا اليوم الثانى الذى تعرف من خلاله لماذا ولدت ؟!

اهو لإعمار الارض ام لخوض ذلك الاختبار الربانى

فقد آمن اجدادك العظام بان هذة الحياة مجرد رحلة وإختبار ربانى للوصول لجنة بالنسبة لهم

سواء نجحوا ام فشلوا فعلى الاقل حاولوا الوصول وفهم حقيقة الكون

توارثوا استشفاف المستقبل من خلال دراستهم لماضيهم

هل ستنجح ام لا يا صديقى ؟!

هذا بالطبع لا يهم بل الاهم هل استمتعت ومازلت تستمعت ببحثك عن حقيقة تلك الحياة

فلتكن المتعة هى الاجابة حتى يأذن الله بامرا كان مفعولا...

#Zeinsdiary

Hold on to me...

Hold on to me...

Don't let me go...

That's me here came to you....

Making you my own King...

Hold on to me...

Don't let me go...

that's me who cares for you...

Making everything i can to make you Happy...

Hold on to me...

Don't let me go...

You know i'm only human after all doing the best i can...

Making you my own king..

Hold on to it...

Don't let it go..

It's the only idea you've now..

It's the only chance for you to survive now..

it's the only pathway to what you want...

It's your only chance for salvation...

#zeinsdiary

Stay with me...

Stay with me...

You say I'm crazy...

I don't want you to leave...

Will you hold my hand?!...

Stay with me...

You made me feel as though I was enough...

I pulled you over close to my chest..

I know i needed you but i never show...

I pulled you over close to my chest...

Stay with me...

I know i'm not the one...

I know i'm not the one...

Baby oh baby oh baby...

Stay with me...

Please don't invite me again to your dreams...

I'm not close enough to be there yet...

Please don't invite me again to your dreams...

I'm not close enough to be there yet...

Stay with me...

I know i'm not the one...

I know i'm not the one...

Baby oh baby baby...

Baby oh baby baby...

I don't know what did you do to me...

i can't see anything...

You're the only light I see now...

You're the sun in my darkness...

You're the logic in my blur dreams...

You're the land after my long sailing...

You're my Campos in my uncertainty...

Stay with me....

#Zeinsdiary

يوما ما سترين النور

يوما ما سترين النور داخل روحك كرؤيتك للشمس فى كبد السماء

يوما ما يا صغيرتي المدللة ستدركين بانى كنت هناك يوما ما

اربت على كفايكى الدقيقتين

احاول عبثا ان اريكى العالم كيفما أراه واشعر به

ولكنك لم تدركى بضعفى وقلة حيلتى وهوانى على نفسى

يوما ما سترين النور داخل روحك كرؤيتك للشمس فى كبد السماء

فبين عتمة وضبابية ظلام الحياة التى نعيشها وتمر من خلالنا ونمر من خلالها

سيتبين لنا الخيط الأبيض من الخيط الأسود

سنرى أمجادا وابراجا قد بنيناها سويا

ساعين لكى نصبح جسدا واحد بروحين

أو روحين بجسد واحد

سأتذكر دائما حين ستنعتينى من وراء ظهرى ب "سا ايو"

وسابتسم ليقينى بانكى لا تقصديها

سافرح لفرحك فقط

وستصيبنى الكأبة لحزنك

يوما ما سترين النور داخل روحك كرؤيتك للشمس فى كبد السماء

فقط أعطيتني جزء من قلبك وروحك

أو هكذا هيأ لى

فحين اتيتى لحياتى اخذتى كل انفاسى

وحين نظرت لعينيكى صرت كهذا البحار الكاهن الذى سرق كل ما يملك وهو مسافرا ليشترى

أخشاب لمعبد الإله ولم ييأس ولم يفقد عزمه لكى يحقق النبوءة لكى ينقذ معبد الإله ويعيد المعبد لرونقه القديم

يوما ما سترين النور داخل روحك كرؤيتك للشمس فى كبد السماء

من انت؟!

#zeinsdiary